सिन्धुली, चैत २८, २०८० बुधबार ।

नेकपा एमाले सिन्धुलीको ८ औं अधिवेशनको उद्धघाटन गरिएको छ । अधिवेशनको नेकपा एमालेका महासचिव शंकर पोखरेलले उद्धघाटन गर्नुभएको हो । उद्धघाटन कार्यक्रमको आवसरमा नेकपा एमालेका महासचिव शंकर पोखरेलले देश बनाउन बलियो शक्ति चाहिने र त्यो बलियो शक्ति भनेकै नेकपा एमाले भएको बताउनुभयो ।

पाटी बलियो बनाउन सबैले आत्मसमिक्षा, आफ्ना कमिकमजोरी स्वीकार गर्ने, नागरिकका माझमा नेतृत्वलाई स्थापीत गर्नुपर्ने र पार्टी सदस्यहरुलाई सक्रीय बनाउन उहाँले सुझाव दिनुभयो । अधिवेशनको समयमा मात्रै नभई अन्य समयमा पनि पार्टीमा सक्रीय रुपमा काम गर्न उहाँले नेता कार्यकर्तालाई निर्देशन दिनुभयो । उहाँले समाजको असन्तुष्टि लाई हतियार बनाई आफुलाई बलियो बनाउन नयाँ पार्टीहरु लागिपरिरहेकाले यसले नागरिकको भावना माथी खेलेको तर परिवर्तन गर्न नसकेको उहाँले बताउनुभयो ।

देश बनाउने हो भने जनतालाई समृद्ध बनाउनुपर्ने बताउदै जनतालाई समृद्ध नेकपा एमालेले मात्रै बनाउन सक्ने उहाँको भनाई छ । आफु भित्र भएको घेराबन्दी भत्काउन र नेकपा एमालेको मिसन ८४ लाई सफल बनाउन मात्रै सत्ता समिकरण गरेको समेत उहाँले बताउनुभयो । आज उद्धघाटन गरिएको अधिवेशन भोली सम्म चल्ने छ ।

अधिवेशनले एक अध्यक्ष, एक उपाध्यक्ष, एक सचिव र दुई उपसचिव सहित १ सय ५ जनाको कमिटि निर्वाचित गर्ने छ । अधिवेशन बाट ३३ प्रतिशत महिला, १५ प्रतिशत युवा निर्वाचित हुनेछन् । नेकपा एमालेले प्रतिनिधि छनौटमा नै ३३ प्रतिशत महिला र १५ प्रतिशत युवालाई छनौट गरिसकेको छ । नौ वटा स्थानीय तहको भुगोलतर्फ ७३ जना सदस्य निर्वाचित हुने छन ।

जसमा २४ जना महिला, एक महिला सहित ११ जना युवा निर्वाचित हुने छन । विशेष समावेशी कोटामा १० जना, खुल्लामा १२ जना निर्वाचित हुनेछन । नेकपा एमालेको नयाँ नेतृत्वको लागि सर्वसम्मत नेतृत्व चयनका लागि प्रयास गरिने र सर्वसम्मत नेतृत्व चयन हुन नसके निर्वाचन प्रक्रिया बाट अधिवेशन सम्पन्न गरिने जनाइएको छ ।

अधिवेशन उद्धघाटनको अवसरमा नेकपा एमाले बागमति प्रदेश अध्यक्ष कैलास ढुंगेल नेकपा एमालेका केन्द्रिय सदस्यहरु, प्रदेश कमिटिका पदाधीकारीहरु लगायत नेता कार्यकर्ताहरुको उपस्थिती रहेको थियो ।  
 

राष्ट्रिय प्रजातान्त्रिक युवा संगठन सिन्धुलीको जिल्ला अधिवेशन सम्पन्न

सिन्धुली, असोज ३, २०८१ बिहिबार ।   राष्ट्रिय प्रजातान्त्रिक युवा संगठन सिन्धुलीको जिल्ला अधिवेशन सम्पन्न भएको छ । राष्ट्रिय प्रजातान्त्रिक युवा

आउदो निर्वाचनमा कांग्रेस र एमाले बिच नै देशब्यापी प्रतिष्पर्धा हुने ः डाक्टर भट्टराई

सिन्धुली, भदौ ६, २०८१ बिहिबार । नेकपा एमाले र नेपाली कांग्रेसले सहमतीमा सत्ता संचालन गरेपनि आगामी निर्वाचनमा भने एमाले एक्लैने निर्वाचन लड्ने नेकपा

नेपाली कांग्रेसको प्रमुख सचेतकमा श्याम कुमार घिमिरे मनोनीत

सिन्धुली, साउन ५, २०८१ शनिबार ।   नेपाली कांग्रेसको प्रमुख सचेतकमा श्याम कुमार घिमिरे मनोनीत हुनु भएको छ । नेपाली कांग्रेसका सभापति एवं संसदीय दलका