सिन्धुलीको बेलघारीमा हुने काँग्रेसको क्षेत्रिय सम्मेलनको तयारी पुरा, सम्मेलनको महामन्त्री थापाले उद्घाटन गर्ने

सिन्धुली, फागुन २३ २०८१, शुक्रबार ।

सिन्धुलीको बेलघारीमा शनिबार हुने नेपाली काँग्रेस क्षेत्र नम्वर १ को क्षेत्रिय सम्मेलनको तयारी पुरा भएको छ । नेपाली काँग्रेसका महामन्त्री गगनकुमार थापाले उद्घाटन तथा संवोधन गर्ने सम्मेलनको आवश्यक तयारी पुरा भएको काँग्रेस क्षेत्रिय समितिले जनाएको छ । सम्मेलनका लागि अतिथी तथा सुभेच्छुक, सुभचिन्तकहरुलाई निमन्त्रणाको लागि परिपत्र गर्ने, लगायतका अन्य आबश्यक कामहरु सम्पन्न भएको समितिले जनाएको छ ।

तिनपाटन गाऊँपालिका १ बेलघारीमा हुने सम्मेलनलाई संवोधन गर्न शनिबार बिहान महामन्त्री थापा मधेशका जिल्ला हुदै आउने कार्यक्रम रहेको काँग्रेस क्षेत्र नं. १ का महाधिवेशन प्रतिनिधी मुकेश घिमिरेले जानकारीदिनुभयो । सम्मेलनमा क्षेत्रिय समितिले प्रतिवेदन पेश गर्ने र शोही उपर आवश्यक छलफल लगायतका कार्यक्रम हुने घिमिरेले बताउनुभयो ।