पूर्वराजा ज्ञानेन्द्र लाई हिंसा र गुण्डा गर्दी गर्न छुट छैन् ः प्रचण्ड

सिन्धुली, चैत १७, २०८१ आइतबार ।

नेकपा माओवादी केन्द्रका अध्यक्ष पुष्पकमल दाहाल प्रचण्डले पूर्वराजा ज्ञानेन्द्र शाह लाई हिंसा र गुण्डा गर्दी गर्न छुट नभएको बताउनुभएकोे छ । सिन्धुलीको दुधौलीमा भएको पार्टीको नगर कमिटीको कार्यक्रमलाई संवोधन गर्दै प्रचण्डले जनता र दलहरूको उदारताको नाजायज फाइदा पुर्व राजा ज्ञानेन्द्रले उठाउन खोजेको आरोप लगाउदै अब जनताले त्यस्तो छुट नदिने बताउनुभयो ।

काठमाण्डौको तीनकुनेमा चैत १५ गते राजावादीको प्रदर्शनका क्रममा भएको हत्याको जिम्मेवारी पनि ज्ञानेन्द्रले लिनुपर्ने उहाँले बताउनुभयो । पुर्वराजा शाह प्रति नै लक्षित गर्दै प्रचण्डले आफ्नै घरमा भयानक हत्याको मनथन गर्न सक्नेहरुले जनताका छोराछोरी मार्न केही जस्तो नभएको जिकिर गर्नुभयो ।

तिनकुनेमा भएका हिंसात्मक गतिविधीे ज्ञानेन्द्रको मूर्खता र विवेकहीनताको परिणाम भएको पनि उहाँको जिकिर थियो । यस घटनाले गणतन्त्रवादीको उचाइ अझ बढेको र राजावादीको निचता प्रस्ट भएको उहाँको तर्क थियो ।

पूर्वप्रधानमन्त्री समेत रहेका प्रचण्डले संघीय लोकतान्त्रिक गणतन्त्रको पक्षमा वर्तमान सरकारले प्रभावकारी काम गर्न नसकेको कारण पनि यस्ता गतिविधी बढ्न थालेको बताउनुभयो ।