सिन्धुली, चैत २१, २०८१ बिहिबार ।

सिन्धुलीमा सवारी दुर्घटना हुँदा १ जनाको मृत्यु भएको छ भने १० जना घाइते भएका छन् । मदन भण्डारी राजमार्ग अन्तर्गत जिल्लाको दुधौली नगरपालिका–४ एकहटियामा मोटरसाइकल र ईभी गाडी एकआपसमा ठक्कर खाइ दुर्घटना हुँदा मोटरसाइकल चालकको मृत्यु भएको हो ।

मृत्यु हुनेमा सिन्धुलीको तीनपाटन गाउँपालिका १० का २६ बर्षिय प्रेम राना मगर रहेको जिल्ला प्रहरी कार्यालय सिन्धुलीका प्रहरी नायव उपरिक्षक अनिल कुमार खड्काले जानकारी दिनुभयो । दुर्घटनामा परि टाउको, पेट र दायाँ खुट्टामा चोट लागि गम्भीर घाइते भएका रानाको नगर अस्पताल सिर्थौलीमा उपचारका क्रममा मृत्यु भएको हो । 

दुर्घटनामा परि उदयपुरको त्रियुगा नगरपालिका ११ का ४३ बर्षिय रुक्मा बस्नेत, लालपत्ता गाउँपालिका ६ की २९ बर्षिय रोशनी माया तामाङ, त्रियुगा नगरपालिका १० की ७० बर्षिय शकुन्तला बस्नेत, सोहि स्थानकी १६ बर्षिय आकृती खड्का, ३५ बर्षिय तारा विक, ३७ बर्षिय बिन्दा कटुवाल, ६ बर्षिय सिजु राउत, रौतामाई गाउँपालिका २ की १७ बर्षिय योन्जन खड्का र सिन्धुलीको दुधौली नगरपालिका ८ कि ४८ बर्षिय चुडा कुमारी मिश्र घाइते भएका छन् । 

घाइते मध्य रोशनी माया तामाङ लाई थप उपचारका लागि ट्रमा सेन्टर काठमाण्डौ पठाइएको र अन्य घाइतेको नगर अस्पताल सिर्थौलीमा उपचार भइरहेको प्रहरीले जनाएको छ । आज बिहान ८ः२० बजेको समयमा उदयपुर बाट काठमाडौं जाँदै गरेको बा–प्र ०३–०१–४४५ नं को ईभी गाडी र डकाहा बाट दुधौली तर्फ जाँदै गरेको प्र २–००१–प७०११ नं मोटरसाइकल एकआपसमा ठक्कर खाएर दुर्घटना भएको थियो ।

दुर्घटनामा परि सामान्य घाइते भएका ईभी गाडी चालक त्रियुगा नगरपालिका ६ का ३८ बर्षिय बिरेन्द्र कुमारलाई नियन्त्रणमा लिइएको जिल्ला प्रहरी कार्यालय सिन्धुलीले जनाएको छ  ।
 

सिन्धुलीमा बिल बिजक नभएको ३ लाखको डिउ बरामद

सिन्धुली, चैत २१, २०८१ बिहिबार । सिन्धुलीमा बिल बिजक नभएको डिउ बरामद गरिएको छ । इलाका प्रहरी कार्यालय खुर्कोटले गोलञ्जोर गाउँपालिका ७ माथिल्लो

नेपाल निजामती कर्मचारी संगठनको केन्द्र तथा प्रदेशमा निर्वाचित भएकाहरुलाई बधाई तथा सम्मान ब्यक्त

सिन्धुली, चैत २०, २०८१ बुधबार ।   नेपाल निजामती कर्मचारी संगठनको १२ औँ महाधिवेशन र बागमती प्रदेशको दोस्रो अधिवेशनबाट बिभिन्न पदमा निर्वाचित

६८ आंै राष्ट्रिय सहकारी दिवसको अवसरमा अस्पतालका बिरामीलाई फलफुल वितरण

  सिन्धुली, चैत २०, २०८१ बुधबार । सिन्धुलीमा ६८ औं राष्ट्रिय सहकारी दिवस मनाईएको छ । मर्यादित सहकारी समुन्नत समाज भन्ने मूल नाराका साथ दिवस मनाईएको