सिन्धुली, चैत १८, २०८१ सोमबार ।

नेपाल पत्रकार महासंघ सिन्धुलीले जिल्ला प्रशासन कार्यालय सिन्धुली मार्फत गृह मन्त्रालयलाई ध्यानाकर्षण पत्र बुझाएको छ । चैत १५ गते काठमाण्डौको तीनकुनेमा भएको हिंसात्मक प्रर्दशनमा संचारमाध्यम र संचारकर्मीलाई निसाना बनाइएको प्रति सरकारलाई ध्यानाकर्षण गराइएको हो ।

समाचार संकलन गरिरहेका बेला पत्रकार सुरेश रजकको हत्या गरिएको, अन्नपूर्ण पोष्ट दैनिकको कार्यालय भवनमा आगो लगाउनुको साथै ढुंगामुढा गरि क्षती पुर्याएको, कान्तिपुर टेलिभिजनको भवनमा ढुंगामुढा गरिक्षती पुर्याएको, हिमालय टेलिभिजनको सवारी साधनमा तोडफोड गरी पत्रकारको ज्यान लिने प्रयास गरेको, पत्रकार दिनेश गौतम माथी आक्रमण गरि खुट्टा भाँचिएको र फोटो पत्रकार निराज तामाङको क्यामेरा लुटिएको सम्बन्धमा नेपाल पत्रकार महासंघको गम्भीर ध्यानाकर्षण भएको छ । 

ज्यान गुमाएका पत्रकारको हत्याबारे गहिरो अनुसन्धान गरि हत्यामा संलग्नलाई फौजदारी अभियोगमा कार्वाहि गर्न तथा उहाँको परिवारलाई क्षतिपुर्ती दिन, संचारमाध्यम र संचारकर्मी माथी आक्रमण गर्नेलाई कानूनी कठघरामा ल्याउन, क्षती पुर्याइएका संचार गृह र संचारमाध्यमलाई यथोचित क्षतिपुर्तिका साथै घाइते पत्रकारको उपचारको प्रबन्ध मिलाउन जोडदार माग गरिएको छ । 

साथै प्रेस तथा अभिब्यक्ति स्वतन्त्रता हननका घटनाहरुमा संलग्नहरुलाई कानूनी कारवाहि गर्न, संचारमाध्यम र संचारकर्मीको सुरक्षाको उचित प्रवन्ध मिलाई स्वतन्त्रपूर्वक लेख्ने वातावरण निर्माण गर्न माग गरिएको छ । महासंघले ध्यानाकर्षण गराएको मागहरु एकसाता भित्रै सम्बोधन हुने विश्वसनीय आधारहरु निर्माण गर्न माग गरिएको छ । अन्यथा सरकार विरुद्ध नेपाल पत्रकार महासंघ देशब्यापी रुपमा आन्दोलनमा उत्रन बाध्य हुने चेतावनी समेत दिइएको छ । 

नेपाल पत्रकार महासंघ सिन्धुलीका सचिव नबीनबाबु अधिकारीले प्रमुख जिल्ला अधिकारी लीला प्रसाद शर्मा मार्फत गृह मन्त्रालयलाई ध्यानाकर्षण पत्र बुझाइकाको हो ।
 

सिन्धुलीमा सवारी दुर्घटना हुँदा १ जनाको मृत्यु

सिन्धुली, चैत २१, २०८१ बिहिबार । सिन्धुलीमा सवारी दुर्घटना हुँदा १ जनाको मृत्यु भएको छ भने १० जना घाइते भएका छन् । मदन भण्डारी राजमार्ग अन्तर्गत

सिन्धुलीमा बिल बिजक नभएको ३ लाखको डिउ बरामद

सिन्धुली, चैत २१, २०८१ बिहिबार । सिन्धुलीमा बिल बिजक नभएको डिउ बरामद गरिएको छ । इलाका प्रहरी कार्यालय खुर्कोटले गोलञ्जोर गाउँपालिका ७ माथिल्लो

नेपाल निजामती कर्मचारी संगठनको केन्द्र तथा प्रदेशमा निर्वाचित भएकाहरुलाई बधाई तथा सम्मान ब्यक्त

सिन्धुली, चैत २०, २०८१ बुधबार ।   नेपाल निजामती कर्मचारी संगठनको १२ औँ महाधिवेशन र बागमती प्रदेशको दोस्रो अधिवेशनबाट बिभिन्न पदमा निर्वाचित