सिन्धुली, चैत १७, २०८१ आइतबार ।

फिक्कल गाउँपालिका वडा नम्बर ३ खुरहरीमा बाल अधिकार संरक्षण, बाल विवाह न्यूनिकरण र बाल श्रम उन्मूलनलाई लक्षित गर्दै सचेतना ¥याली कार्यक्रम सम्पन्न भएको छ । रिलिफ नेपाल सिन्धुली र वल्र्ड भिजन इन्टरनेशनल नेपालको आर्थिक तथा प्राविधिक सहयोगमा सुनौलो बाल क्लब, फिक्कल–३ खुरहरीको आयोजनामा तथा श्री प्रकाशोदय माध्यमिक विद्यालय, खुरहरीको समन्वयमा ¥याली कार्यक्रम संचालन गरिएको हो ।

शुक्रबार सम्पन्न कार्यक्रममा बाल अधिकार सम्बन्धी जनचेतना अभिवृद्धि गर्न विभिन्न गतिविधिहरू संचालन गरिएको छ । कार्यक्रममा स्थानीय विद्यालयका शिक्षक, शिक्षिका, विद्यार्थी, अभिभावक, सामाजिक अभियन्ता तथा अन्य सरोकारवालाहरूको उल्लेखनीय सहभागिता रहेको थियो । कार्यक्रम अन्तर्गत बाल विवाह र बाल श्रमको विरुद्ध आवाज उठाउँदै सचेतना ¥याली निकालिएको थियो ।

¥यालीको क्रममा बाल विवाह, बाल श्रम तथा सरसफाइ सम्बन्धी नारा लेखिएका प्लेकार्डहरू प्रदर्शन गरिनुका साथै स्थानीय पसल तथा व्यवसायहरूमा ‘बाल श्रम मुक्त क्षेत्र’ भन्ने स्टिकर टाँस गरिएको रिलिफ नेपालमा कार्यरत फिल्ड अधिकृत शान्ती बरालले जनाकारी दिनुभयो । यस क्रममा बाल श्रम नगर्न–नगराउन सचेतना सन्देश प्रवाह गरिएको छ । साथै ‘म र मेरो समुदाय बाल विवाह विरुद्ध प्रतिबद्ध छौं’ भन्ने स्टिकर समेत टाँस गरिएको उहाँले बताउनुभयो ।

स्थानीय अभिभावकहरूले यस प्रकारका सचेतनामूलक गतिविधिहरू बाल अधिकार संरक्षणका लागि प्रभावकारी हुने भन्दै खुशी व्यक्त गरेका छन् । विद्यालयका शिक्षक शिक्षिकाहरूले पनि बाल अधिकारका विषयमा थप जनचेतना फैलाउनु आवश्यक रहेकोमा जोड दिएका थिए ।

सुनौलो बाल क्लबका प्रतिनिधिहरूका अनुसार आगामी दिनमा पनि यस्ता सचेतना अभियानहरू सञ्चालन गर्दै बाल अधिकार प्रवद्र्धनका लागि निरन्तर पहल गरिनेछ । कार्यक्रमले समुदायमा बाल विवाह तथा बाल श्रम न्यूनिकरणको सन्देश प्रवाह गर्न महत्वपूर्ण भूमिका खेलेको आयोजकहरूले बताएका छन् । फिक्कल गाउपालिका वडा नम्बर ३ लाई बाल मैत्री वडा निर्माण गर्न उन्मुख पनि रहेको छ ।
 

सिन्धुलीमा सवारी दुर्घटना हुँदा १ जनाको मृत्यु

सिन्धुली, चैत २१, २०८१ बिहिबार । सिन्धुलीमा सवारी दुर्घटना हुँदा १ जनाको मृत्यु भएको छ भने १० जना घाइते भएका छन् । मदन भण्डारी राजमार्ग अन्तर्गत

सिन्धुलीमा बिल बिजक नभएको ३ लाखको डिउ बरामद

सिन्धुली, चैत २१, २०८१ बिहिबार । सिन्धुलीमा बिल बिजक नभएको डिउ बरामद गरिएको छ । इलाका प्रहरी कार्यालय खुर्कोटले गोलञ्जोर गाउँपालिका ७ माथिल्लो

नेपाल निजामती कर्मचारी संगठनको केन्द्र तथा प्रदेशमा निर्वाचित भएकाहरुलाई बधाई तथा सम्मान ब्यक्त

सिन्धुली, चैत २०, २०८१ बुधबार ।   नेपाल निजामती कर्मचारी संगठनको १२ औँ महाधिवेशन र बागमती प्रदेशको दोस्रो अधिवेशनबाट बिभिन्न पदमा निर्वाचित