सिन्धुली, बैशाख १४, २०८० शुक्रबार 

नेकपा माओवादी केन्द्रका उपाध्यक्ष अग्नी सापकोटाले नेपालको राष्ट्रियता कमजोर बन्दै गएको बताउनुभएको छ । आज प्रेस सेन्टर नेपाल सिन्धुलीले आयोजना गरेको पत्रकार भेटघाटमा उपाध्यक्ष सापकोटाले राष्ट्रियताको सबाल पेचिलो बन्दै गएको बताउनुभएको हो ।

पुर्व सभामुख समेत हुनु भएका सापकोटाले संघ र प्रदेश सभाको सदन अस्तब्यस्त बन्दै गएकोमा दुखेसो व्यक्त गर्नुभयो । यसले जनतामा निरास बनाउने, जनता चिन्तीत हुने, संघियता तथा परिवर्तन बिरोधीहरुलाई उत्साहित पार्ने काम भइरहेको भन्दै उहाँले लोकतान्त्रीक मुल्य मान्यता अहिले ठिक ढंगले लागु नभएको बताउनुभयो ।

संसद भनेको देशको आत्मा भएको बताउदै अहिले बिचारमा, राजनितीमा सिद्धान्तमा केन्द्रित भएर बहस नहुने गरेको र जहाँ बाट मुल्यमान्यता बिचार धाराको प्रष्फुटन हुनुपर्ने हो त्यहि बाट बिचार, राजनिती र सिद्धान्तमा बहस नहुदा जनतामा निरासा पैदा भएको उहाँले बताउनुभएको छ ।

स्थापित पार्टी हरुमा नै लोकतान्त्रीक मुल्य मान्यता कमजोर भएकाले आन्तरिक र बाह्य लोकतन्त्र कमजोर भएको उहाँको भनाई छ । पार्टीहरुमा आन्तरिक लोकतन्त्र सबल सुदृढ हुने हो भने संसद स्वभाविक रुपमा सुदृढ हुने बताउदै पार्टीको आन्तरिक दृष्टिकोण संगै साझा दृष्टिकोण बन्नु पर्ने उहाँको बुझाई छ ।

समाजवाद भन्दा उत्कृष्ट राज्य ब्यवस्था संसारमै नभएकाले समाजवादले मात्र अहिले देखिएको समस्याको हल गर्न सक्ने उहाको तर्क छ । युवाहरुलाई देशभित्र नै बस्ने वातावरण मिलाउन नसकिएकोमा चिन्ता ब्यक्त गरेर मात्र नहुने बताउदै चिन्तन गर्नुपर्ने र देशमा युवाहरुलाई रोक्न नयाँ उपायहरु निकाल्नुपर्ने पनि उहाँको भनाई छ ।

राजनैतिक परिवर्तन पश्चात जनताको जिवनस्तर माथी उठ्ने अपेक्षा जनताले राखेको बताउदै सरकारले अहिले सामाजिक न्याय सहितको सुशासन समृद्धि भनेकाले समाजवादको आधार तयार गर्न तर्फ लागेको उहाँले बताउनुभयो ।

देशभर रहेका नागरिकको परिवार बाट एकजना पनि रोजगारीमा नभएका परिवारको छनोट गरि रोजगारी सिर्जना गर्नुपर्ने बताउदै रोजगारी सिर्जना गर्ने बित्तिकै गरिबि हट्दै जाने उहाँले बताउनुभयो । जनताको जिवनस्तर माथी उठेपछि मात्रै सकारात्मक सोच र चेतनाको बिकास हुने र सामुहिक प्रगती हुने उहाँले बताउनुभयो ।

बिकास निर्माण, राष्ट्रियता र जनतालाई सेवा प्रवाह गर्ने कामको पहलकदमी सरकारले लिनुपर्ने र राजनैतिक पार्टीहरुको बिचमा साझा सहमति हुनुपर्ने उहाँले बताउनुभयो । गणतन्त्र, धर्मनिरपेक्षता र संघियता भनेको परिवर्तको पिल्लर आधार स्तम्भ भएकाले अहिलेको सरकारले ल्याएको साझा न्युनतम कार्यक्रममा राजनैतिक पार्टीहरु एकमत हुनुपर्नेमा उहाँको जोड छ ।  

शान्ति सम्झौता भएको १८ बर्ष पुरा भइसकेकाले शान्ति सम्झौतालाई निष्कर्षमा पुर्याउन पनि सबै पार्टीमा सहमती हुनुपर्नेमा उहाँको जोड छ ।
 

राष्ट्रिय प्रजातान्त्रिक युवा संगठन सिन्धुलीको जिल्ला अधिवेशन सम्पन्न

सिन्धुली, असोज ३, २०८१ बिहिबार ।   राष्ट्रिय प्रजातान्त्रिक युवा संगठन सिन्धुलीको जिल्ला अधिवेशन सम्पन्न भएको छ । राष्ट्रिय प्रजातान्त्रिक युवा

आउदो निर्वाचनमा कांग्रेस र एमाले बिच नै देशब्यापी प्रतिष्पर्धा हुने ः डाक्टर भट्टराई

सिन्धुली, भदौ ६, २०८१ बिहिबार । नेकपा एमाले र नेपाली कांग्रेसले सहमतीमा सत्ता संचालन गरेपनि आगामी निर्वाचनमा भने एमाले एक्लैने निर्वाचन लड्ने नेकपा

नेपाली कांग्रेसको प्रमुख सचेतकमा श्याम कुमार घिमिरे मनोनीत

सिन्धुली, साउन ५, २०८१ शनिबार ।   नेपाली कांग्रेसको प्रमुख सचेतकमा श्याम कुमार घिमिरे मनोनीत हुनु भएको छ । नेपाली कांग्रेसका सभापति एवं संसदीय दलका