सिन्धुलीमा प्रभात फेरी र ¥याली सहित २७ औँ राष्ट्रिय भूकम्प सुरक्षा दिवस मनाइयो

सिन्धुली, माघ २, २०८१ बुधबार ।

२७ औँ भूकम्प सुरक्षा दिवस सिन्धुलीमा पनि मनाइएको छ । ‘भूकम्पले सिकाएको पाठ, बलियो संरचना र सुदृढ पूर्वतयारीका साथ’ भन्ने मूल नाराका साथ सिन्धुलीमा पनि २७ औँ भूकम्प सुरक्षा दिवस मनाइएको हो ।वि.सं १९९० माघ २ गते गएको विनाशकारी भूकम्प बाट पाठ सिकेर सुरक्षित आवास निर्माण र सम्भावित भूकम्पीय जोखिम न्यूनीकरण बारे सामाजिक सचेतना अभिवृद्धि गर्न हेतु हरेक वर्ष भूकम्प सुरक्षा दिवस मनाइँदै आएको छ ।

जिल्ला प्रशासन कार्यालय सिन्धुलीको आयोजना र सहरी विकास तथा भवन कार्यालयको समन्वयमा बुधवार बिहान प्रभात फेरी र ¥याली सहित २७ औँ भूकम्प सुरक्षा दिवस मनाइएको हो । सिन्धुलीमाढी २ नं बजार रेडक्रस भवन बाट सुरु भएको ¥याली गैरीबजार, १ नं बजार, स्टल बजार हुँदै कमलामाई नगरपालिका कार्यालय अगाडी लोकतान्त्रिक चोकमा पुगेर कोणसभामा परिणत भएको थियो ।

¥यालीमा सिन्धुली स्थित सरकारी कार्यालयका प्रमुख एवं प्रतिनिधि र सुरक्षा निकायका प्रमुखहरूको सहभागिता रहेको थियो ।