कर तिर्नेको शिर उच्च राख्ने काम नभएको सिन्धुलीका निजी क्षेत्रको गुनासो

सिन्धुली, मंसिर ७, २०८१ शुक्रबार ।

सिन्धुलीका सहायक प्रमुख जिल्ला अधिकारी कृष्णमणी फुयालले सबै क्षेत्रको ऐक्यबद्धतामा कर तिर्दा देश सम्वृद्ध हुने धारणा राख्नु भएको छ । सिन्धुलीमाढीमा कर सप्ताहको समापन कार्यक्रममा बोल्दै सहायक प्रजिअ फुयालले यस्तो धारणा राख्नुभएको हो ।

यता कार्यक्रममा निजी क्षेत्रले भने कर तिर्नेको शिर उच्च राख्ने काम नभएको गुनासो गरेका छन् । कर तिर्ने व्यक्तीलाई राज्यले ६ सय प्रतिशत सम्म कर लिने गरेको तर सम्मान गर्न नजानेको उनीहरुको गुनासो छ । विकसित मुलुकमा कर तिर्ने व्यक्तीलाई ठूलो सम्मान हुने गरेको तर नेपालमा सम्मान त के करको सदुपयोग पनि नभएको उनीहरुको आरोप छ । कार्यक्रममा मन्तव्य राख्दै सिन्धुली उद्योग बाणिज्य संघका अध्यक्ष अर्जुनकुमार श्रेष्ठले देश सञ्चालन करबाट भएकाले कर तिर्ने मानिसलाई उच्च स्थानमा राख्नु पर्ने धारणा राख्नुभयो ।

यस्तै कार्यक्रममा उद्योग वाणिज्य कार्यलय प्रमुख धुव्रप्रसाद ढकाल कर तिर्ने व्यक्तीलाई उत्साहका कर तिर्ने वातारण बनाउन राज्यका निकाय लागि परिरहेको धाराणा राख्नुभयो । कार्यक्रममा कर अधिकृत मनोज न्यौपानले कर दिवस साथै कर सप्ताह मनाउनुका बारेमा प्रकाश पार्नुभएको थियो ।