सिन्धुली, पुष  २२ २०८१ सोमबार ।

आफुले गरेको पेशा बाट आम्दानी सँगै सन्तुष्टी पनि भए पछि पेशालाई निरन्तरता दिन उमेर बाधक नहुनेमा सिन्धुलीका एक किसान उदाहरण बनेकाछन् । जिल्लाको कमलामाई नगरपालिका ४ कौशलटारका किसान नर बहादुर पाण्डे उमेरले ७० बर्ष कटिसके पनि आफ्नो साग तथा तरकारी उत्पादन गर्ने पेशालाई निरन्तरता दिएर उदाहरण बनेका हुन् । २० वर्ष अघि देखि रायोको साग र अन्य तरकारीको उत्पादन गर्दै आएका बृद्ध किसान पाण्डेलाई अझ अर्गानीक उत्पादन गर्न  हिम्मत बढे पनि ग्राहकले अर्गानिक पहिचान गर्न नसकेकोमा भने गुनासो छ । 

२० बर्ष देखिको निरन्तरताले बेर्ना राख्ने, बिरुवा रोप्ने समय एकिन गर्न देखि माटोको समेत पहिचान गर्न सक्ने अवस्थामा पुगी सक्नु भएका  किसान पाण्डेको उत्पादनले बजार भने पाईरहेको छ ।  सदरमुकाम सिन्धुलीमाढी नजिकै रहेर पनि छिमेकीका खेतबारी बाँझै बसी रहेका र  आफ्नो उमेरले नेटो काटिसकेको समयमा गरेको कामको सिको कसैले नगरेकोमा किसान पाण्डेको चिन्ता छ । राज्यका निकायले उन्नत खेती गर्ने किसानलाई सहयोग गर्लान भन्ने आश नराखेका किसान पाण्डेलाई गुणस्तरीय मल बिउँ नपाउदा र स्थानिय जनप्रतिनिधीले मुल्यांकन गर्न नसकेकोमा भने अर्को दुःखेसो छ । 

आफुले गरेको  पेशाको निरन्तरता देखेर आफ्नो जेठो छोराले पनि  छुट्टै खेती विस्तार गरी एक सिजनमा उत्पादन गरेको साग तरकारी बाट बर्ष दिनको घर खर्च चलाउन सकेकोमा पाण्डे सन्तुष्ट देखिनु भएको छ । यद्यपी अहिलेको बजार किसानमुखी नभएको अर्थात किसानले उचित मुल्य नपाएकोमा भने राज्यका निकायको ध्यान जान नसकेकोमा उहाँको चिन्ता छ । किसान पाण्डेले मौरी पालन र पशुपालनलाई समेत निरन्तरता दिइरहनु भएको छ । 

किसान पाण्डेले उत्पादन गर्नुभएको विभिन्न किसिमका साग तरकारी अर्गानिक रहेको र अहिले ग्राहकले विश्वास गर्न थालेको स्थानिय युवा मोदनाथ तिमल्सेनाको भनाई छ । 

नेपाल महिला संघ कमलामाई नगरपालिका ४ को वडा अधिवेशन सम्पन्न

सिन्धुली, पुष २३, २०८१ मंगलबार । नेपाली कांग्रेसको भातृ संस्था नेपाल महिला संघ कमलामाई नगरपालिका ४ को वडा अधिवेशन सम्पन्न भएको छ । नेपाल महिला संघ

गोलन्जोर गाउँपालिकाका र सुनकोशी गाउँपालिकाका बाढी पीडित परिवारको लागि राहत हस्तान्तरण

सिन्धुली, पुष २२, २०८१ सोमबार । सिन्धुलीको गोलन्जोर गाउँपालिकाका र सुनकोशी गाउँपालिकाका बाढी पीडित परिवारको लागि राहत हस्तान्तरण गरिएको छ । नेपाल

सिन्धुलिको फिक्कल गाउँपालिकामा बाघको आतङ्क बढ्यो 

सिन्धुली, पुष २१, २०८१ आइतबार । सिन्धुलिको फिक्कल गाउँपालिकामा बाघको आतङ्क बढ्दा स्थानीय त्रसीत बनेका छन् । फिक्कल गाउँपालिकाका विभिन्न वडाहरुमा