सिन्धुलिको फिक्कल गाउँपालिकामा बाघको आतङ्क बढ्यो

सिन्धुली, पुष २१, २०८१ आइतबार ।

सिन्धुलिको फिक्कल गाउँपालिकामा बाघको आतङ्क बढ्दा स्थानीय त्रसीत बनेका छन् । फिक्कल गाउँपालिकाका विभिन्न वडाहरुमा बाघको आतङ्क दिनानु दिन बढ्दा स्थानीयहरु त्रसित र चिन्तीत बनेका हुन् । बाघले बाख्रा, गाई, गोरु मारेको स्थानीयको भनाई रहेको छ । यसरी दिनानु दिन किसानहरुको गाई, बाख्रा बाघले खान थालेपछि अहिले किसानहरुलाई आफ्नो ज्यानको पनी खतरा बढेको बताएका छन् ।

फिक्कल गाउँपालिका ५ का वडा अध्यक्ष बैकुण्ठ लाल पहाडिले सबै किसानहरुलाई सचेत भएर बस्न आग्रह गर्नु भएको छ । उहाँले गाई, बाख्रा जङ्गलमा नलान र एक्लै नहिड्न सुझाव दिनुभएको छ । बाघले फिक्कल गाउँपालिकाको कर्पु, ठाना गाउँ, बारबिसे, झगरे, लगायतका स्थानमा किसानहरुको बाख्रा मारेर खाएको छ ।