अहिलेको गठबन्दन भनेको सिन्डीकेट मात्रै भएको एमालेका उपमहासचिव बिष्णु रिमालको भनाई

सिन्धुली, फागुन १२, २०८० शनिबार ।।

नेकपा एमालेका उपमहासचिव बिष्णु रिमालले कांग्रेसले गठबन्धन नगरी चुनाव जित्ने आत्मविश्वास गुमाइसकेको टिप्पणी गर्नुभएको छ । प्रेस चौतारी नेपाल सिन्धुली शाखाले आयोजना गरेको पत्रकार भेटघाट कार्यक्रममा दलहरु एजेण्डाको रुपमा प्रतिस्पर्धा गर्नुपर्ने उहाँले बताउनुभयो । उहाँले अहिलेको गठबन्दन भनेको सिन्डीकेट मात्रै भएको बताउनुभयो ।

माओवादी, कांग्रेस र समाजवादी पार्टी मिलेर बनेको गठबन्धन चाहिँ सिन्डिकेट एमाले सँग मिल्दाचाहिँ पवित्र भन्ने एमालेको मान्यता नभएको उहाँको भनाई छ । गठबन्दन भन्दा पनि एजेण्डामा जानुपर्ने उहाँले बताउनुभयो ।

नेकपा स्थापनाको ७५ बर्ष हुदै गर्दा धेरै उपलब्धी हरु भएपनि सोचेजस्तो उपलब्धी भने हासिल गर्न नसकेको उहाँको भनाई छ । नेकपा एमालेले मिसन ग्रासरुट, झुलाघाट चिवाभन्ज्याङ अभियान मार्फत नागरिक तहको कुरा सुन्ने अभियान संचालन गरेको बताउनुभएको छ । अभियान मार्फत प्राप्त भएका ७ सय भन्दा बढी सुझावलाई कार्यन्वयन गर्न प्रधानमन्त्रीलाई समेत दिएको उहाँले बताउनुभयो ।

उहाँले अहिले मुल प्रतिस्पर्धी पार्टी भनेकै एमाले र कांग्रेस मात्रै भएको र अहिलेको प्रतिस्पर्धा पनि यही दलबीच भएको बताउनुभयो । उहाँले भन्नुभयो, ‘हामीले अहिले एजेण्डामा बसह गर्ने भनेका छौं तर कांग्रेस अहिले एजेण्डामा छैन । गठबन्धन गरेनौं भने चुनाव हार्छौँ भनेर लागिरहेको छ । चुनाव हार्ने र जित्ने एजेण्डाको कुरा होइन । प्रतिस्पर्धाको कुरा हुन्छ । माओवादीले अहिलेसम्म पार्टीको आकार समेत नलिएको उहाँले टिप्पणी गर्नुभयो ।