समावेशी शिक्षण पद्धती तथा कार्यगत सिमितता पहिचान सम्बन्धी २ दिने तालिम सिन्धुलीमाढीमा सम्पन्न

सिन्धुली, फागुन ५, २०८१ सोमबार ।

समावेशी शिक्षण पद्धती तथा कार्यगत सिमितता पहिचान सम्बन्धी २ दिने तालिम सिन्धुलीमाढीमा सम्पन्न भएको छ । प्लान इन्टरनेशन नेपाल र मानव तथा राष्ट्रिय विकास समाज ह्याण्स नेपाल सिन्धुलीको साझेदारीमा संचालित उज्ज्वलता परियोजना अन्तर्गत तालिमको आयोजना गरिएको हो ।

किशोरीहरुको सिकाईमा उपलब्धी ल्याउने र गुणात्मक शिक्षामा पहुँच पुर्याउने उदेश्यले कमलामाई नगरपालिका र दुधौली नगरपालिकाका ३० वटा सामुदायिक बिद्यालयका कक्षा ६ देखि १० सम्मका बालबालिकाहरुलाई लक्षित गर्दै उज्वलता परियोजना संचालन भइरहेको छ । सोहि परियोजना अन्तर्गत कमलामाई नगरपालिकाका १५ वटा बिद्यालयका १५ जना शिक्षकलाई तालिम प्रदान गरिएको हो ।

बिद्यालयमा शैक्षिक वातावरण सुधार गर्न, समावेशी शिक्षालाई अगाडी बढाउन, सिकाईमा कठिनाई भएका बालबालिकाहरुको पहिचान गर्न सिकाउने उदेश्यले शिक्षकहरुलाई तालिमको आयोजना गरिएको ह्याण्स नेपाल सिन्धुलीका परियोजना संयोजक कमला लामाले जानकारी दिनुभयो ।

तालिममा समावेशी शिक्षा पद्धती, अपांगताको प्रकार र पहिचान, बालबालिकाको क्रियात्मक क्षमताको पहिचान गर्ने लगायतको कुरा सिकाइएको तालिमका प्रशिक्षक रामलाल धामीले बताउनुभयो ।