सिन्धुली स्लो रेस च्याम्पियनको विजेता बस्नेत

सिन्धुली स्लो रेस च्याम्पियनको विजेता राईडर वर्षा बस्नेत बन्नु भएको छ । शनिवार सिन्धुलीको बसपार्कमा भएको स्लो रेस च्याम्पियन राईडर वर्षा बस्नेत विजेता बन्नु भएको हो । त्यस्तै गरी उपबिजेता, कवि देव बन्नु भएको छ वर्षाले काठमाडौँ र कविदेवले हेटौडा बाट सिन्धुली स्लो रेस च्याम्पियन सहभागिता जनाउनु भएको थियो । विजेताले ३५ हजार र उपविजेताले ५ हजार प्राप्त गर्नु भएको छ।

सिन्धुली राईडरस नेपालको आयोजनामा सिन्धुलीमा पहिलो पटक सञ्चालन भएको बाईक स्लो रेस च्याम्पियनमा , राष्ट्रिय तथा स्थानीय गरी ७७ जना राईडरहरुले सहभागिता जनाएका थिए ।

बाईक स्लो रेस च्याम्पियन कार्यक्रममा काठमाडौँका चर्चित भ्लगरहरुको सहभागिता रहेको थियो । बाहिरी जिल्लाहरू बाट भ्लगरहरु सिन्धुलीमा आउनु भने यहाँको व्यापार व्यवसाय र पर्यटकीय क्षत्रेको प्रचार प्रसार हुनुको साथै नयाँ कामका लागि युवाहरूलाई उत्प्रेरित गर्नु भएको आयोजकले जनाएको छ । पछिल्लो समय भ्लगर र राईडरले युवा पुस्तामा आकर्षित गरेको पाइन्छ यसले युवाहरूलाई सकारात्मक सोच र परिवर्तनको संवाहक बन्न मदत गरेको छ ।