सिन्धुली सहित देशभर ‘समुदाय–प्रहरी साझेदारी’ कार्यक्रम शुरु

कात्तिक ११, सिन्धुली – सिन्धुली सहित देशभर आईतबार बाट ‘समुदाय–प्रहरी साझेदारी’ कार्यक्रम सञ्चालन भएको छ । नेपाल प्रहरीले शान्ति र स्थायित्वका लागि विभिन्न निकायसँगको समन्वयमा हर प्रहर गाउँ र नगर टोल टोलमा नेपाल प्रहरी भन्ने मुख्य नाराका साथ कार्यक्रकम सञ्चालन गरेको हो ।
सिन्धुलीमा पनि जिल्ला प्रहरी कार्यालयको प्राङगणमा शान्तीपुर्ण एव् सुरक्षित समाजको लागी समुदाय प्रहरी साझेदारी कार्यक्रमको उद्घाटन गरिएको छ । नेपाल सरकार गृह मन्त्रालय अन्र्तगत प्रहरी प्रधान कार्यलयको आयोजना तथा ३ नम्बर प्रदेश प्रहरी कार्यालय हेटौँडा, जिल्ला प्रशासन कार्यालय सिन्धुली, जिल्ला प्रहरी कार्यालय सिन्धुली र सिन्धुलीका ९ वटै स्थानीय तहको संयोजकत्वमा शान्तीपुर्ण एव् सुरक्षित समाजको लागी समुदाय प्रहरी साझेदारी कार्यक्रमको समुद्घाटन गरिएको जिल्ला प्रहरी कार्यालय सिन्धुलीले जनाएको छ ।
कार्यक्रम कार्यान्वयन गर्न केन्द्रीयस्तर देखि गाउँ तहसम्मै साझेदारी संरचना निर्माण गरिने जिल्ला प्रहरी कार्यालयले जनाएको छ । अपराध रोकथाम, समुदाय सुरक्षा र सचेतना, शान्ति र सुव्यवस्था, विद्यालय सचेतना सहितका समुदाय केन्द्रित कार्यक्रम सञ्चालन गरिने प्रहरीको अवधारणामा उल्लेख गरिएको छ ।

सिन्धुलीका कामु प्रमुख जिल्ला अधिकारी ज्ञान प्रसाद ढकालको प्रमुख आतिथ्यतामा कार्यक्रम भएकको थियो।
कार्यक्रममा प्रजिअ ढकालले सामुदायिक प्रहरी सेवालाई साधुरो अर्थमा हेरिएको भएपनि अबका दिनमा यो सेवा प्रभावकारी र सेवामुखी ढंगबाट अगाडी बढाउने पहिलो प्राथमिकता रहेको बताउनु भयो । उहाँले पछिल्लो संरचना प्रणालिले गाउँपालिका, वडा स्तर सम्म सामुदायिक प्रहरी सेवा पु¥याउन आवाश्यक भएको समेत बताउनु भयो ।

कार्यक्रममा महिला अधिकारवादी तथा नेत्री सुशीला थिङ, सामुदायिक प्रहरी सेवा केन्द्रका अध्यक्ष राम बहादुर हायु लगाएतका वक्ताहरुले समेत मन्तब्य राख्नु भएको थियो । भने उदघाटन कार्यक्रममा उपस्थित अतिथिहरुलाई प्रहरी उपरिक्षक रामेश्वर यादवले स्वागत गर्नुभएको थियो

कार्यक्रममा स्थानीय तहका प्रमुख तथा प्रतिनिधि, सरकारी तथा गैरसरकारी सँघसँस्थाका प्रमुख तथा प्रतिनिधि र जिल्लाका अन्य सरोकारवालाको उपस्थिती रहेको थियो ।