फिक्कल गाउँपालिकामा शिक्षकहरुको क्षमता अभिबृद्धिका लागि आइसिटिमा आधारित तालिम सुरु

सिन्धुली, चैत १६, २०८० शुक्रबार ।

सिन्धुलीको फिक्कल गाउँपालिकामा शिक्षकहरुको क्षमता अभिबृद्धिका लागि आइसिटिमा आधारित तालिम सुरु भएको छ । आधारभूत तहमा कार्यरत शिक्षकहरुको क्षमता अभिबृद्धि गर्ने उदेश्यले आइसिटिमा आधारित तालिम संचालन गरिएको हो ।

सामुदायिक बिद्यालयहरु आइसिटी सुविधा सम्पन्न भइसकेकाले त्यसको प्रभावकारी प्रयोग गर्न र आइसिटिमा शिक्षकहरुको क्षमता विकास गराउने उदेश्यले तालिम संचालन गरिएको फिक्कल गाउँपालिका शिक्षा शाखा प्रमुख निलहरी लामिछानेले जानकारी दिनुभयो ।

शिक्षा तालिम केन्द्र धुलिखेलको आयोजना तथा फिक्कल गाउँपलिकाको समन्वयमा आज देखि सुरु भएको तालिम चैत २० गते सम्म संचालन हुने छ । तालिममा ३० जना शिक्षक शिक्षीकाहरुको सहभागिता रहेको छ । फिक्कल गाउँपालिकामा कक्षा १ देखि ५ सम्म पढाई हुने आधारभुत तहका ३५ वटा बिद्यालय रहेका छन् ।