सिन्धुली सेवा समाज कतारको ११ औं अधिवेसन फेब्रुअरी २३ तारिखमा हुने

सिन्धुली, फागुन ७, २०८० सोमबार ।

सिन्धुली सेवा समाज कतारको ११ औं अधिवेसन फेब्रुअरी २३ तारिखमा हुने भएको छ । कतारमा रहेका सिन्धुलीबासी हरुलाई एकताबद्ध गर्ने सिन्धुली सेवा समाज दोहा कतारको ११ औं अधिवेसन फेब्रुअरी २३ तारिख शुक्रबारका दिन हुन लागेको हो । प्लाजामल स्थित वेलफेयर रेष्टुरेन्टको सभाहलमा अधिवेसन हुने संस्थाले जनाएको छ ।

सिन्धुली बाट कतारमा पुगी बिभिन्न पेशा, ब्यवसाय श्रमीकको रुपमा रहेका सिन्धुली बासीले सामाजिक सेवा र गतिविधीको लागि २००३ मा सिन्धुली सेवा समाज कतारको स्थापना गरिएको हो । समाजको ११ औं अधिवेसनलाई सम्बोधन गर्न सिन्धुली क्षेत्र नं. २ का प्रतिनिधी सभा सदस्य लेखनाथ दाहाल राजन जानुहुने भएको छ । अधिवेसनको अवसरमा कतार स्थित बिभिन्न संघ संस्था, समाजसेवि, ब्यवसायी, पत्रकार तथा कतारलाई कर्मथलो बनाएका नेपालीहरुलाई कार्यक्रममा सहभागि हुन आग्रह गरिएको छ ।